DURANGALDEA| Ezker abertzalearen hitzaldiak
Ekaina 5, 2010 by altzoan1
Filed under Gaiak | Durangaldea, General
Eztabaida prozesua amaitu eta gero, Ezker abertzaleak bere proposamena plazaratzen dihardu. Hitzaldiak antolatu dira Durangaldean datozen astetan.
Egoeraren eta euskal prozesu politikoaren azterketa egin du Ezker Abertzaleak. “Eztabaida egin du, eta ez gutxiren artean edo ezkutuko gelan”, azaldu dutenez. “Aitzitik, kidegoak eta oinarri sozialak osatzen duten batzar gela nagusira ekarri dugu eztabaida”, diote oharrean.
Eztabaidaren ondorioak jasotzen dituen ‘Zutik Euskal Herria’ ebazpena ezagutu nahi izanez gero, aukera ugari izango dira datozen egunetan. Hasteko, ekainaren 10ean Zornotzan izango da hitzaldia. 19:30ean izango da Zornotza aretoan. Ekainaren 17an Durangora joango da bira hau, 19:30ean Intxaurrondoko aretoan. Azkenik, Elorrion emango da edukiaren berri, 19:30ean Arriola aretoan.
